ওঁ অস্য শ্রীমদ্ভগবদ্গীতামালামন্ত্রস্য শ্রীভগবান্ বেদব্যাসঃ ঋষিঃ অনুষ্টুপ্ ছন্দঃ শ্রীকৃষ্ণঃ পরমাত্মা দেবতা অশোচ্যানন্বশোচস্ত্বং প্রজ্ঞাবাদাংশ্চ ভাষসে ইতি বীজং, সর্বধর্মান্ পরিত্যজ্য মামেকং ব্রজেতি শক্তিঃ, অহং ত্বাং সর্বপাপেভ্যো মোক্ষয়িষ্যামি মা শুচঃ ইতি কীলকম্৷

নৈনং ছিন্দন্তি শস্ত্রাণি নৈনং দহতি পাবকঃ ইত্যঙ্গুষ্ঠাভ্যাং নমঃ৷ ন চৈনং ক্লেদয়ন্ত্যাপো ন শোষয়তি মারুতঃ ইতি তর্জনীভ্যাং নমঃ৷ অচ্ছেদ্যোহয়মদাহ্যোহয়মক্লেদ্যোহশোষ্য এব চ ইতি মধ্যমাভ্যাং নমঃ। নিত্যঃ সর্বগতঃ স্থাণুরচলোহয়ং সনাতনঃ ইত্যনামিকাভ্যাং নমঃ৷ পশ্য মে পার্থ রূপাণি শতশোহথ সহস্রশঃ ইতি কনিষ্ঠাভ্যাং নমঃ। নানাবিধানি দিব্যানি নানা বর্ণাকৃতীনি চ ইতি করতল পৃষ্ঠাভ্যাং নমঃ ইতি করন্যাসঃ৷

নৈনং ছিন্দন্তি শস্ত্রাণি নৈনং দহতি পাবকঃ ইতি হৃদয়ায় নমঃ৷
ন চৈনং ক্লেদয়ন্ত্যাপো ন শোষয়তি মারুতঃ ইতি শিরসে স্বাহা৷
অচ্ছেদ্যোহয়মদাহ্যোহয়মক্লেদ্যোহশোষ্য এব চ ইতি শিখায়ৈ বষট্।
নित्यঃ সর্বগতঃ স্থাণুরচলোহয়ং সনাতনঃ ইতি কবচায় হুম্ ৷
পশ্য মে পার্থ রূপাণি শতশোহথ সহস্রশঃ ইতি নেত্রত্রয়ায় বৌষট্।
নানাবিধানি দিব্যানি নানাবর্ণাকৃতীনি চেতি অস্ত্রায় ফট্৷ ইতি অঙ্গন্যাসঃ৷

শ্রীকৃষ্ণপ্রীত্যর্থং পাঠে বিনিয়োগঃ৷